Eronning Shahed-136 dronining ruscha versiyasi hisoblanuvchi Geran-2 dronlari bir necha holatlarda keskin burilish paytida nazoratdan chiqib ketdi. Baʼzilar qulab tushdi, boshqalari esa yo‘nalishni to‘g‘rilab olgan bo‘lsada, havo hujumidan mudofaa tizimlarining oson o‘ljasiga aylandi.
Dronda noodatiy xatti-harakatlarining yuzaga kelishini past sifatli komponentlar, xususan, Xitoyda ishlab chiqarilgan dvigatel bilan bog‘lashmoqda.
"Rossiya ilgari dronlar uchun dvigatellarni Janubiy Koreyadan sotib olar edi, biroq Moskvaga qarshi sanksiyalar fonida endi uni Xitoydan sotib olishga majbur", deya qo‘shimcha qildi The Washington Post.