Самарқандда МИБ банклар фойдасига 562 млрд сўм ундирди
Шу тариқа 43 794 та ижро ҳужжати тамомланган.
Мажбурий ижро бюросининг Самарқанд вилоят бошқармаси томонидан ўтган йил давомида банклар фойдасига ундирув билан боғлиқ ижро ҳужжатлари ижросини таъминлаш бўйича самарали ишлар амалга оширилди.
Жумладан, 91 309 та ижро ҳужжати бўйича 2,3 трлн сўмга яқин қарздорликларни ундириш мақсадида ижро тадбирлари ўтказилди. Натижада 60 204 та ижро ҳужжати бўйича 1,3 трлн сўмлик якуний қарорлар қабул қилинди.
Шундан 43 794 та ижро ҳужжати бўйича 562 млрд сўмдан ортиқ маблағ амалда ундирилиб, банклар фойдасига йўналтирилди.
Қарздорликни ундиришни таъминлаш мақсадида қарздорларга тегишли 1 715 та мол-мулк хатланиб, умумий қиймати 636,6 млрд сўмни ташкил этган ушбу мол-мулклар аукцион савдоларига чиқарилди.
Мажбурий ижро бюроси Самарқанд вилоят бошқармаси томонидан суд ҳужжатлари ижросини таъминлаш ва кредиторлар манфаатларини ҳимоя қилишга қаратилган ишлар изчил давом эттирилмоқда.
