Ijtimoiy tarmoqlarda Sirdaryo viloyatining Sirdaryo tuman davlat soliq inspeksiyasi rahbari xodimlariga nisbatan haqoratomuz so‘zlar ishlatgan videolavha keng tarqaldi. Videoda mansabdor shaxs xodimlarini kamsituvchi va odobsiz iboralar bilan tahdid qilgani eshitiladi.
“Daryo”ning yozishicha, holat yuzasidan Soliq qo‘mitasi axborot xizmati bilan bog‘langan. Qo‘mita Sirdaryo viloyat soliq boshqarmasi tomonidan voqea nazoratga olingani va tekshiruv boshlanganini tasdiqlagan. Dastlabki ma’lumotlarga ko‘ra, mazkur holat 2024-yilda sodir bo‘lgan.
Hozirda holat yuzasidan o‘rganish ishlari davom etmoqda. Soliq boshqarmasi yakuniy xulosa jamoatchilikka belgilangan tartibda taqdim etilishini bildirdi.