Iste’molga yaroqsiz go‘sht mahsulotlarining muomalaga kiritilishining oldi olindi, deya xabar bermoqda Bosh prokuratura huzuridagi Iqtisodiy jinoyatlarga qarshi kurashish departamenti.
Qayd etilishicha, departamentning Sirdaryo viloyat boshqarmasi IIB xodimlari bilan hamkorlikda tergovga qadar tekshiruv o‘tkazgan. Sirdaryo tumanidagi YPX maskanida Qashqadaryo–Toshkent yo‘nalishi bo‘yicha harakatlanib kelayotgan fuqaro M.X.ning Lacetti rusumli avtomashinasi ko‘zdan kechirilganda uning yukxonasida 156 kg iste’molga yaroqsiz mol go‘shti Toshkent shahridagi dehqon bozoriga olib ketilayotgani aniqlangan.
Mazkur holat yuzasidan Jinoyat kodeksining 186-moddasi (xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) bilan jinoyat ishi qo‘zg‘atilib, tergov harakatlari o‘tkazilmoqda.
