Toshkent xalqaro aeroportida AQSH valyutasi va Rossiya rublini tamaki qutilariga solib, xorijga olib ketayotgan shaxs ushlandi.
Bojxona qo‘mitasi Matbuot xizmatining xabariga ko‘ra, xorijga chiqib ketayotgan shaxsning yuklari orasidagi tamaki qutilarida bojxona xodimlariga maʼlum qilinmagan va deklaratsiyada ko‘rsatilmagan, olib chiqish meʼyoridan ortiq bo‘lgan umumiy qiymati 465 million so‘m ekvivalentidagi naqd xorijiy valyutalar yaʼni 27 300 AQSH dollari va 1 million 800 ming Rossiya rubli borligi aniqlandi.
Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.