Тест синовлари қачон бошланиши айтилди

2024/2025-ўқув йилида олий ва профессионал таълим муассасаларига ўқишга кириш тест синовлари 14-июлдан бошланади

 

Тест синовлари кунига 2 сменада ташкил этилади. 1-смена соат 08:00 да, 2-смена 15:00 да бошланади. Абитуриентлардан тест синовлари бошланишидан камида бир ярим соат олдин белгиланган ҳудудга етиб келишлари талаб этилади.

 

Тест синовларида иштирок этиш учун онлайн рўйхатдан ўтган абитуриентларга “Абитуриент рухсатномаси” my.uzbmb.uz сайти орқали берилмоқда.

 

Абитуриентлар рухсатномада белгиланган манзилдаги бинода, кўрсатилган санада ва сменада тест синовларида иштирок этади.

 

Абитуриентларга бошқа ҳудуд, кун ва сменада тест синовларида иштирок этишга рухсат этилмайди.

 

Абитуриентлар тест синовига шахсни тасдиқловчи ҳужжат (паспорт/ID-карта ёки янги намунадаги ҳайдовчилик гувоҳномаси)нинг асли ва абитуриент рухсатномаси билан белгиланган вақтдан кечикмаган ҳолда келишлари лозим.