“Толибон” Афғонистондаги иккинчи йирик шаҳар Қандаҳорни эгаллади
Буни ҳаракат вакиллари ҳам, расмий Кобул ҳам тасдиқлади.
Маълумотларга кўра, Қандаҳор маъмурияти маҳаллий аэропорт орқали шаҳардан қочиб кетган. Бу шаҳарнинг эгаллланиши “Толибон” учун катта аҳамиятга эга, сабаби 1996—2001 йилларда Қандаҳор жангариларнинг норасмий пойтахти бўлган.
Бундан ташқари кеча Ҳирот шаҳри ҳам “Толибон” қўлига ўтди. Оммавий ахборот воситалари маълумотларига кўра, жангарилар шаҳарда кучли қаршиликка дуч келмаган. “Толибон”га алоқадор аккаунтларнинг хабар беришича, Ҳирот ҳокими Исмоил Хон Эронга қочиб кетган, ҳукумат аскарлари оммавий равишда асирга олинган.
Ҳилманд вилояти маркази Лашкаргоҳ ҳам жангарилар томонидан эгалланди. Бу ерда қарийб бир ой давомида оғир жанглар бўлиб ўтди. Жангарилар бугунги кунда 14 вилоятни ўз назоратига олди.
Вазият кескинлашганлиги туфайли АҚШ Кобулдаги элчихонасини эвакуация қилиш масаласини кўриб чиқмоқда. Сўнгги маълумотларга кўра, Вашингтон эвакуация учун қўшинларни вақтинчалик қайтариши мумкин.
Бундан аввал Ғазна шаҳри “Толибон” томонидан эгаллангани маълум қилинган эди.
Жаҳонгир Қўзиев
