Maʼlum qilinishicha, “Toshkent-Istanbul” yo‘nalishi bo‘yicha uchib ketayotgan O‘zbekiston fuqarosi shaxsiy ko‘rikdan o‘tkazilgan.
Natijada fuqaro shimining chap cho‘ntagidan va bir dona jigarrang qo‘l sumkasi ichidan bojxona nazoratiga belgilangan tartibda taqdim etilmagan, og‘zaki so‘rovda aytilmagan, olib chiqish meʼyoridan ortiq bo‘lgan, jami 16 050 AQSH dollari (bugungi kundagi qiymati 203 mln 962 ming 597 so‘m) borligi aniqlandi.
Hozirda holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.