Тошкент ҳавоси ифлосланиш бўйича яна 1-ўринда
У ўртача ҳаво сифатидан салкам 35 баравар юқори.
IQAir хизмати рейтингида 27 декабрь соат 08:50 ҳолатида ҳавонинг ифлосланиш даражаси бўйича Тошкент шаҳри — 1-ўринда, яъни энг зарарли ўринга чиқди.
Айни пайтда пойтахтдаги PM2.5 концентрацияси Жаҳон соғлиқни сақлаш ташкилоти тавсия қилган йиллик ўртача ҳаво сифатидан салкам 35 баравар юқори.
ЖССТга кўра, ҳаво ифлосланиши кўрсаткичлари орасида саломатлик учун энг катта хавф туғдирадигани айнан PM2.5 дисперс зарраларидир.
