Toshkent metropolitenining “Paxtakor” bekatida 20 fevral kuni 26 yoshli erkak o‘zini poyezd tagiga tashlashga urindi. Bu haqda IIV Transport va turizm obyektlarida xavfsizlikni taʼminlash departamenti xabar bermoqda.
Qayd etilishicha, 1997 yilda tug‘ilgan fuqaro D.O. joriy yilning 20 fevral kuni 19:20 larda metroning “Chilonzor” yo‘nalishidagi “Paxtakor” bekatiga kelgan vaqtida joniga qasd qilish maqsadida o‘zini elektropoyezd yo‘liga tashlamoqchi bo‘lgan.
Bekat platformasida xizmat olib borayotgan xodim A.A.Dalaboyev uni ushlab qolishga ulgurgan.
Surishtiruv ishlari davomida fuqaro D.O. 2016 yildan buyon ruhiy-asab kasalliklari dispanserida “Shizofreniya” tashxisi bilan ro‘yxatda turishi maʼlum bo‘lgan. Shundan so‘ng onasi F.A voqea joyiga chaqirtirilib, fuqaro D.O. onasiga sog‘-salomat xolda topshirilgan.