Toshkent shahrining Uchtepa tumanida hokim yordamchisi 30 ming dollar pora olayotganda qo‘lga tushdi.
Maʼlum qilinishicha, hokim yordamchisi fuqaroga tadbirkorlik uchun to‘rtta savdo do‘koni qurish uchun 210 kv.m hududni auksionda yutish orqali rasmiylashtirib berish evaziga pul talab qilgan.
Bunda u ishni bitirishda yuqori lavozimda ishlovchi tanishlari borligini aytgan. O‘tkazilgan tezkor tadbir davomida u mazkur mablag‘larni olayotganda qo‘lga olingan.
Qayd etilishicha, hokim yordamchisi avval ham uch marotaba sudlangan bo‘lgan. Hozirda unga nisbatan JKning 167-moddasi (firibgarlik) va 211-moddasi (pora berish) bilan ayblov eʼlon qilingan.