Тошкентда Matiz Spark билан тўқнашиб кетди
Ҳодиса оқибатида бир киши жароҳатланган.
Тошкент шаҳрининг Чилонзор туманида иккита автомашина иштирокида йўл-транспорт ҳодисаси юз берди.
Ҳолат 4 май куни соат 12:50 ларда Чилонзор тумани КХАЙ кўчаси 104-уй қаршисида содир бўлган. Унда 2003 йилда туғилган А. Ю. бошқарувида бўлган Spark ва 1985 йилда туғилган Ж. Й. бошқарувида бўлган Matiz ўзаро тўқнашиб кетган.
ЙТҲ оқибатида Spark ҳайдовчиси тан жароҳат олган. Ҳозирда ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
