Ijtimoiy tarmoqlarda Toshkent shahrining Mirzo Ulug‘bek tumanidagi 148-sonli umumtaʼlim maktabida o‘qituvchi o‘quvchini urgani aks etgan video xabarlar tarqaldi. Holat yuzasidan shahar Maktabgacha ma maktab taʼlimi boshqarmasi munosabat bildirdi.
Qayd etilishicha, maktabda joriy yil davomida o‘quvchilarni vatanparvarlik ruhida tarbiyalash maqsadida bepul “Harbiy-sport to‘garagi” tashkil etilgan. Ijtimoiy tarmoqda tarqalgan tasvirlarda aks etgan jarayonda ushbu maktabning 9-sinf o‘quvchisi A.A. tomonidan 4-sinf o‘quvchisi P.D.ni urgan holati aks ettirilgan. Bugungi kunda P.D.ning salomatligiga hech qanday zarar yetmagan, sog‘lom.
"Holat bo‘yicha tuman hokimligi, tuman maktabgacha va maktab taʼlimi bo‘limi masʼullari tomonidan “Harbiy-sport to‘garagi” faoliyati tugatildi. O‘quvchilarning o‘zaro munosabatlari to‘g‘risida o‘quvchilar va ularning ota-onalari bilan tushuntirish ishlari olib borildi. Tuman voyaga yetmaganlar ishlari bo‘yicha komissiya xulosasiga asosan ish olib borilishi taʼkidlab o‘tildi", deyiladi munosabatda.