Хонанда Максим ижодида пауза эълон қилди
У жонли ижрода куйлашга қийналмоқда.
Россиялик хонанда спиртли ичимликка қарамлиги туфайли даволанишдан сўнг карьерасида пауза эълон қилишга қарор қилди.
Маълумотларга кўра, Максим жонли ижрода куйлашга қийналмоқда, шу боис у номаълум муддатга оммавий концертлардан бош тортган. Бироқ хонанда ёпиқ корпоратив тадбирларда чиқиш қилиши мумкин. Бунинг учун хонанда хизмат нархини 4,5 миллион рублдан 3 миллионга камайтирди.
Қўшиқчи бу ҳолатда катта аудитория олдига чиқиш нотўғри деб ҳисоблайди ва соғлиги тикланиши учун бироз вақт кераклигини айтади.
Эслатиб ўтамиз, 2023 йилнинг август ойида Максим биринчи марта спиртли ичимликларга қарамлиги ҳақида гапирганди. Шундан сўнг даволанишни бошлаган.
