Яна бир Европа давлати еврони қабул қилади
Хорватия 2023 йилнинг 1 январидан еврога ўтади.
2023 йилнинг 1 январидан Хорватия ўз валютасига еврони киритган йигирманчи давлатга айланади.
Молиявий таҳлилчиларга кўра, бу қадам мантиқий, чунки евроҳудуднинг ягона валютаси барча банк депозитларининг ярмини ва барча кредитларнинг 60 фоизини ташкил қилади.
Хорват кунасидан еврога ўтиш миллий иқтисодиётга фойда келтиради, чунки 4 миллион аҳолига эга мамлакатнинг ягона валюта ҳудудига кириши хорижий сармоя учун қулай.
Хорватия Марказий банки раҳбари Борис Вужичичнинг айтишича, Хорватия 27 миллиард евро миқдоридаги валюта захирасига эга, бу мамлакат ялпи ички маҳсулотининг 40 фоизини ташкил қилади. Хорватиядаги дўконлар келаси йилнинг сентябрь ойидан бошлаб товарлар нархини куна ва еврода белгилайди ва буни 2023 йил охиригача амалга оширади.
