Yevropa Ittifoqining o‘nta davlati imkon qadar tezroq Rossiyadan gaz importini to‘liq to‘xtatishni taklif qildi. Bu haqida Reuters agentligi xabar berdi.
Ushbu taklif Litva, Latviya, Estoniya, Daniya, Chexiya, Polsha, Ruminiya, Shvetsiya, Irlandiya va Finlyandiya tomonidan ilgari surildi. Rossiya gazini quvur orqali ham, suyultirilgan holda ham import qilishni taqiqlashni taklif qilinmoqda. Bunga muqobil sifatida 2022 yilda Yevropa Ittifoqi tomonidan qabul qilingan RePowerEU strategiyasiga muvofiq importni bosqichma-bosqich qisqartirish taklif etilmoqda.
RePowerEU strategiyasi Yevropa Ittifoqi 2027 yilgacha Rossiya gazidan butunlay voz kechish, boshqa yetkazib beruvchilarga o‘tish va qayta tiklanadigan energiya manbalaridan foydalanishni kengaytirishni nazarda tutadi.