Қироллик оилаларининг камтар аъзолари
Қироллик оилаларининг шундай аъзолари борки, улар оддий ишларда ишлаб пул топишдан уялишмайди. Бу билан улар инсонни юқори мансаби эмас, амалга оширган ишлари учун ҳурмат қилиш кераклигини исботлаб келишмоқда.
1. Шведция маликаси София шифохонада ишлайди
Малика София ҳисобчилик ва бизнесни ривожлантириш бўйича ўқиган. Бундан ташқари, у йога бўйича мутахассис бўлиб, бу бўйича Нью-Йоркда ишлаган. Яқинда София “соғлиқни сақлаш тизими ходилмарининг оғирини енгил қилиш учун” волонтер бўлди.
У тез ёрдам бўйича 3 кунлик курсни битириб, Стокгольмдаги шифохонада иш бошлади. Унинг вазифаси асбобларни тозалаш ва дезинфекция қилиш орқали шифокор ва ҳамшираларга ёрдам бериш.
2. Шаҳзода Уильям — тез ёрдам вертолетининг учувчиси
Шаҳзода Уильям ҳарбий соҳани танлаб, лейтенант унвонига эришган. Аммо қироллик оиласи вакили учун бу жуда хавфли касб эди, шунинг учун у ўқишини қироллик флоти ва қироллик ҳарбий-ҳаво кучларида давом эттирди.
Ҳарбий-ҳаво кучларидаги хизматдан сўнг 2014 йилда Уильям тез ёрдам вертолетида доимий ишлашга рози бўлди. У маошини хайрия қиларди. 2017 йилда шаҳзода ишдан кетди.
3. Монако Княгиня Шарлен — профессионал сузувчи
Княгиня Шарлен ҳозирги Зимбабведа туғилган ва ўзининг спортдаги карьерасини 1996 йилда Жанубий Африка чемпионатида бошлаган. У 2000 йилги Сидней олимпиадасида Жанубий Африка шарафини ҳимоя қилган. Аммо орадан 7 йил ўтгач елкасидаги жароҳат туфайли катта спортни тарк этди.
Ҳозир княгиня паралимпиячи спортчилар ва эшитишда нуқсони бор болалар реабилитация марказларида учрашувлар ташкиллаштиради.
4. Монако маликаси Шарлотта — муваффақиятли ёзувчи
Шарлотта Казираги жамият ривожига ҳиссасини қўшиб келади. У 2009 йилда Above журналининг колумнисти бўлган.
Кейинроқ у икки дўсти билан бу ишдан кетиб, мода ва экология билан боғлиқ лойиҳаларга қўл урди. Ўша йили Шарлотта мода саноатининг атроф-муҳитга етказадиган зарари ҳақидаги Ever Manifesto’нинг 3000 нусҳасини чиқаришини айтган. 2018 йилда у файласуф Роберт Маждиори билан инсоният қўрқувлари ва ҳиссиётлари ҳақида китоб ёзди.
5. Дания валиаҳд маликаси Мэри — мижозлар билан ишлаш бўйича менеджер ва ўқитувчи
Малика Мэрининг отаси – академик ва математика профессори. Унга ҳам отасининг истеъдоди юққан. 1998 йилда, онасининг вафотидан 6 ой ўтгач у мижозлар билан ишлаш лавозимидан кетиб, Америка ва Европа бўйлаб саёҳат қилди. 2002 йилнинг биринчи ярмида Мэри Париждаги бизнес-мактабда инглиз тилидан дарс берган.
Данияга кўчиб келгач, у бизнесни ривожлантириш, алоқалар ва маркетинг бўйича лойиҳалар маслаҳатчиси бўлиб ишлади.
6. Нидерландия қироли Виллем-Александр — учувчи
Виллем-Александр ёшлигида Нидерландия қироллик флотида ҳарбий хазматни ўтаган ва лейтенант лавозимини эгаллаган. Унинг яна бир машғулоти бор. Виллем-Александр – учувчи.
Монарх тижорий авиакомпанияларда таклиф этилган учувчи бўлиб ишлайди. Қиролнинг айтишича, у бир неча йилдан бери ишлайди ва йўловчиларнинг айримлари уни танишади.
7. Дания шаҳзодаси Николай модель бўлиб ишлайди
Шаҳзода Николай – Дания қироллик оиласи аъзоси. У 21 ёшда. Николай 2018 йилдан бери модель бўлиб ишлайди. Унинг дебют чиқиши Лондондаги юқори мода ҳафталигида бўлган. Шундан сўнг у мода дунёсининг “тилла боласи”га айланди. 2020 йилда у Dior брендининг эркаклар коллекциясини очиб берди.
8. Бельгия шаҳзодаси Иоахим — Ҳарбий-денгиз флоти зобити
10 йил олдин шаҳзода Иоахим армия тайёрларлиги бўйича кўнггиллилар курсини тамомлаган. Кейинроқ у Брюггедаги денгиз мактабида ўқиган. Қиролларга хос ҳаёт тарзи ўрнига Бельгия ҳарбий-денгиз флоти зобитлигини танлаган.
Шарофат Маҳмудова
