2016-2020 йилларда экспорт ҳажми 72.5 миллиард АҚШ долларини ташкил этган
2016-2020 йилларда экспорт ҳажми 72.5 миллиард АҚШ долларини ташкил этди.
Бугун АОКАда Инвестициялар ва ташқи савдо вазирлиги иштирокида “Ўзбекистон иқтисодиётига инвестицияларни жалб қилиш самарадорлигини таҳлил қилиш ва баҳолаш” мавзусида брифинг бўлиб ўтди. Бу хақда Инвестициялар ва ташқи савдо вазирлиги бош бошқармаси бошлиғи И.Абдураҳмонов маълумот берди. 2020-йилда 15.1 миллиардлик экспорт амалга оширилди. Дунёда пандемия ҳукм сураётганига қарамасдан бу 2016-йилга нисбатан 25 фоиз кўпдир.
Шунингдек, экспортда саноат маҳсулотлари хажми 169 фоизга ошди. Масалан, пахта толаси экспорти камайган, лекин кластерларда ишлаб чиқарилган тайёр маҳсулотлар ҳисобига тикув ва трикотаж махсулотлари экспорти икки бараварга ошиб, 1 миллиард долларни ташкил этди. Хомашё экспорти 22 фоизга камайиб, 732 миллион долларни ташкил этмоқда. Шунингдек, янги бозорлар ҳисобига 136 миллион долларлик қўшимча экспорт амалга оширилди.
