Финал қайта ўтказиладими?
Англиялик мухлислар Европа чемпионатининг финалидаги мағлубиятни тан олишмаяпти.
Машҳур change.org веб-сайтида Италия ва Англия терма жамоалари ўртасидаги чемпионатнинг финал учрашувини такроран ўтказиш учун петиция пайдо бўлди. Бугунги кунга келиб, ушбу петицияга 115 мингдан ортиқ киши имзо чекди ва бу кўрсаткич ўсишда давом этмоқда.
Унда ёзилишича, италияликлар финалда қўполликлар эвазига ғалаба қозонишган. Бундан ташқари, учрашувни бошқариб борган ҳакам ҳам айнан Италия томонга ён босган дея баҳоланган.
Мухлисларнинг фикрича, финал адолатли ҳакамлар бошқарувида қайта ўтказилиши керак.
Эслатиб ўтамиз бундан олдин Евро- 2020 финалидан сўнг Лондонда тартибсизликлар келиб чиққани ва 130дан ортиқ одам қўлга олингани, 19 нафар полиция ходими жароҳатлангани ҳақида хабар қилган эдик.
Жамшид Амиров.
