2021-йилнинг биринчи ярмида қасддан одам ўлдириш 49 фоизга ошган.
Бу ҳақида Судларнинг биринчи ярим йиллик фаолияти таҳлили ҳамда соҳага оид муҳим ва долзарб масалалар тўгрисидаги матбуот анжуманида маълумот берилди.
Судларда кўрилган ишлар таҳлили шуни кўрсатадики 2021-йилнинг биринчи ярмида, 2020 йилнинг шу даврига нисбатан алимент тўлаш 53,9 фоиз, тақиқланган экинларни етиштириш 14,4 фоиз, қонунга хилоф равишда чет элга чиқиш ёки Ўзбекистонга кириш 13,5 фоиз каби жиноят турлари камайган. Қасддан одам ўлдириш 49 фоизга, қасддан баданга оғир ва ўртача оғирликдаги шикаст етказиш 60 фоизга, номусга тегиш 23,8 фоизга, босқинчилик 65,5 фоизга, талончилик 1,7 баравар, транспорт воситаларини олиб қочиш 60 фоизга, гиёҳвандлик воситалари билан ноқонуний муомала қилиш 11,4 фоизга ошган.
