Июнь ойида автомобилларга талаб ошган
Иқтисодий тадқиқотлар ва ислоҳотлар марказининг автомобил саноатига оид ҳисоботлари эълон қилинди.
Унга кўра, автомобилларга талаб 2021 йил июнь ойида майга нисбатан 13.7 фоизга ошган. Ўтган йилнинг худди шу даврига нисбатан эса 12.9 фоизга ошган. Июнь ойида республика бўйлаб 18.9 мингта автомобиль рўйхатга олинган, шулардан 1171 тасини хорижий автомобил маркалари ташкил этади.
Январь-июнь ойларида энг кўп Наманган, Навоий, Самарқанд, Фарғона ва Тошкент вилоятларида автомобиллар давлат рўйхатига олинган. Шунингдек, январь-май ойларида аҳолига жами 2.67 трлн сўмлик автокредит берилган, бу 2020 йилнинг шу даврига нисбатан 40.5 фоизга кўп.
