Президент Хитой Халқ Республикаси ташқи ишлар вазирини қабул қилди

Бу ҳақда президент матбуот хизмати хабар бермоқда. Икки мамлакат ўртасидаги дўстлик ва стратегик шерикликни мустаҳкамлашнинг долзарб масалалари кўриб чиқилди.

ХХР ташқи ишлар вазири Президентимизга Хитой раҳбари Си Цзиньпиннинг саломи ва энг эзгу тилакларини етказди. Ван И Ўзбекистоннинг Марказий ва Жанубий Осиё боғлиқлигини ривожлантириш ташаббусларини қўллаб қувватлади. Учрашувда олий даражада эришилган келишувларни амалга ошириш, жумладан, савдо-иқтисодий, инвестициявий, молиявий-техник, маданий-гуманитар соҳалар ва кўп қиррали ҳамкорликнинг бошқа йўналишларида қўшма дастур ва лойиҳаларни илгари суриш масалаларига алоҳида эътибор қаратилди. Пандемияга қарши курашда яқиндан ҳамкорликни давом эттириш муҳим экани таъкидланди.

Халқаро кун тартиби, шу жумладан Афғонистондаги вазият юзасидан фикр алмашинди.