Жаҳонгир Ортиқхўжаев коронавирусга қарши ўзбек-хитой вакцинаси билан эмланди
Тошкент шаҳар ҳокими Жаҳонгир Ортиқхўжаев коронавирусга қарши ўзбек–хитой вакцинаси билан эмланди. Бу ҳақда шаҳар ҳокимлиги матбуот хизмати хабар қилди.
Қайд этилишича, ҳоким ZF-UZ-VAC2001 вакцинасининг иккинчи дозасини олган.
«Ҳурматли ҳамшаҳарлар, бугун ўзбек–хитой вакцинасининг иккинчи дозасини қабул қилдим. Ўйлайманки, коронавируснинг олдини олишга жуда катта ёрдам беради.
Аҳоли билан, шифохонада ётганлар билан гаплашяпмиз COVID-19 га чалинганлардан кўра вакцина олганларнинг аҳволи анча енгил кечяпти.
Насиб қилса яна 20 кундан кейин вакцинанинг 3-дозасини оламиз. Худо хоҳласа бу кўнглимиз хотиржам бўлиши учун сабаб бўлади. Бошқаларга ҳам вакцина олишни тавсия қиламан. Бу билан олдимизда турган оғир касалликни бартараф этишга ёрдам берган бўлардик» – дейди шаҳар ҳокими.
