Россиянинг Ханти-Манси автоном округида ўзбекистонлик ишчиларнинг ўлимида айбланган 42 ёшли тадбиркор судланмоқда. Бу ҳақда “Знак” хабар берди
Маълум қилинишича, тадбиркорга қарашли паррандачилик фермасида Тожикистон ва Ўзбекистондан келган уч ишчи ёнғин оқибатида вафот этган.
Тадбиркор эркак Россия федерацияси жиноят кодексининг 219-моддаси 3-қисми «Ёнғин хавфсизлиги талабларини бузиш, оқибатда уч кишининг ўлимига олиб келиш» билан айбланмоқда.
Жиноий текширув ҳужжатида таъкидланишича, тадбиркор ишчиларини яшаш жойи билан таъминлаш учун ўз участкасидаги иккита турар-жой биносини жиҳозлаган. Aммо у электр печини улашда хавфсизлик қоидаларини бузган. Бинолар фавқулодда чиқиш жойлари, одамларни ёнғин ҳақида огоҳлантириш воситалар билан жиҳозланмаган.
Оқибатда, электр тармоғида фавқулодда ёнғин чиққан. Хонада бўлган 60, 25 ва 24 ёшли уч ишчи ёнғин маҳсулотлари исидан заҳарланиб вафот этган.
