Тошкентда 5 та автомобиль иштирокида ЙТҲ содир бўлди
5 та автомобиль — икки Damas, Spark, «Газель» ҳамда Malibu турли даражада шикастланган.
Тошкент шаҳри Олмазор туманида 5 та автомашина иштирокида йўл-транспорт ҳодисаси содир бўлди. Бу ҳақда Тошкент шаҳар ИИББ ахборот хизмати маълум қилди.
Олмазор тумани Тошкент ҳалқа автомобиль йўлида пиёдани белгиланмаган жойдан ўтиши оқибатида 5 та автомобиль оралиқ масофани сақлай олмай тўқнашган. Ҳеч бир ҳайдовчи тан жароҳати олмаган.
«Елим идиш кўтарган 50 ёшли одам йўлимни кутилмаганда кесиб ўтди. Шунда қаттиқроқ тўхтаб юбордим», — дейди Damas ҳайдовчиси.
5 та автомобиль — икки Damas, Spark, «Газель» ҳамда Malibu турли даражада шикастланган.
