Шаҳрисабзда сигир қудуққа тушиб кетди
Қашқадарё вилоятининг Шаҳрисабз шаҳрида сигир чуқурлиги 5 метр бўлган қудуққа тушиб кетди. Бу ҳақда вилоят Фавқулотда вазиятлар бошқармаси ахборот хизмати маълум қилди.
Таъкидланишича, 22 июль, пайшанба куни соат 11:50 да Шаҳрисабз шаҳар фавқулодда вазиятлар бўлимига шаҳарнинг Абдулла Қодирий кўчаси 28-уйда яшовчи фуқаро Нурбек Раҳматов мурожаат қилиб, сигири ҳовлисидаги қудуққа тушиб кетганини айтиб, ёрдам сўраган.
«Мазкур мурожаат юзасидан, бўлимнинг ёнғин-қутқарув қисми қутқарувчилари юқоридаги манзилга зудлик билан етиб бориб, қудуқдаги сигирни жароҳатларсиз олиб чиқишган», — дейилади вилоят Фавқулодда вазиятлар бошқармаси хабарида.
