Сиёсий партиялар вакилларига мандатлар топширилди
29 iyul kuni Markaziy Saylov komissiyasida Prezidentlik saylovida ishtirok etadigan siyosiy partiyalarning vakolatli vakillariga mandatlar topshirildi.
Унда Республикада фаолият юритаётган бешта сиёсий партия иштирок этди. МСК матбуот хизматининг маълум қилишича, қуйидаги ваколатли вакилларга гувоҳнома топширилган:
ЯКУБОВ Бахтиёр Султанназирович – Тадбиркорлар ва ишбилармонлар ҳаракати – Ўзбекистон Либерал-демократик партиясининг ваколатли вакили;
МАМАТХОНОВ Баҳодиржон Мўллажон ўғли – Ўзбекистон “Миллий тикланиш” демократик партиясининг ваколатли вакили;
РАҲМОНОВ Абдукамол Шодиевич – Ўзбекистон “Адолат” социал-демократик партиясининг ваколатли вакили;
САНГИНОВ Саидрасул Саидакпарович – Ўзбекистон Экологик партиясининг ваколатли вакили;
ВАФОЕВ Улуғбек Назарович – Ўзбекистон Халқ демократик партиясининг ваколатли вакили.
Маълумот учун, Сайлов Кодексининг 34-моддасига кўра, Ўзбекистон Республикаси Президентлигига номзодлар, Қонунчилик палатаси депутатлигига номзодлар, маҳаллий Кенгашлар депутатлигига номзодлар кўрсатган сиёсий партия сайлов комиссиясининг мажлисларида, ҳужжатларни топширишда, имзо варақалари тўғри тўлдирилганлигини текширишда, сайлов участкасида овозларни санаб чиқишда иштирок этиш учун ваколатли вакил тайинлашга ҳақли.
