Ўзбекистонда коронавирусга қарши қўлланилган вакциналар сони 7 млн дозадан ошди
Ўзбекистонда коронавирусга қарши жами 7 миллион дозадан ортиқ вакцина қўлланилди.
Шу кунгача тўлиқ эмланган фуқаролар 1 170 003 нафарни ташкил қилмоқда. Бу ҳақда ССВ матбуот хизмати хабар берди.
Маълум бўлишича, 29 июлда мамлакат ҳудудлари бўйлаб 213 278 доза COVID-19га қарши вакцина қўлланилди. Улардан:
1-босқич эмланганлар 145 873 нафарни,
2-босқич эмланганлар 47 185 нафарни,
3-босқич эмланганлар 20 220 нафарни ташкил қилди.
Шунингдек, айни кунгача мамлакатда жами 7 195 709 доза вакцинадан фойдаланилди. Улардан:
1-босқич эмланганлар 4 635 592 нафарни,
2-босқичда эмланганлар 1 834 411 нафарни,
3-босқич эмланганлар 725 706 нафарни ташкил қилди.
Қайд этилишича, 29 июль кунидаги эмлаш кўрсаткичлари бўйича юқори ўринларни:
Фарғона вилояти (25 424 доза),
Андижон вилояти (25 093 доза),
Наманган вилояти (21 654 доза),
Тошкент вилояти (19 977 доза) банд қилди.
Жами эмлашлар бўйича юқори кўрсаткичлар:
Фарғона вилоятида 932 829 доза,
Наманган вилоятида 932 538 доза,
Андижон вилоятида 798 009 доза,
Самарқанд вилоятида 668 463 дозани ташкил қилмоқда.
Эмлаш жараёнлари давом этади.
