Ходимини «мол», «эшак» дея ҳақоратлаган қашқадарёлик мансабдор огоҳлантириш олди
Qashqadaryo viloyat Moliya bosh boshqarmasi boshlig‘i Fayzulla Yusupov xodimi — Koson tuman moliya bo‘limi boshlig‘i Sh.Safarovni “eshak”, “mol” deya haqorat qilgan. Bu haqda viloyat hokimligi axborot xizmati rahbari maʼlum qildi.
Таъкидланишича, бу ҳолат вилоят ҳокимининг биринчи ўринбосари Нодир Эркаев раҳбарлигида муҳокама қилинган. Ва иш фаолиятида ходимларига нисбатан одоб-ахлоқ нормаларига амал қилмаган ҳолда, уларни ҳақорат қилган вилоят Молия бош бошқармаси бошлиғи Файзулла Юсупов қатъий огоҳлантирилган.
«Шунингдек, бу каби ҳолатларнинг вилоятдаги бошқа ташкилот раҳбарлари иш фаолиятида ҳам қайтарилишининг олдини олиш мақсадида, раҳбарлар масъулиятини ошириш мақсадида, вилоят Молия бошқармаси бошлиғи Файзулла Юсупов ишини кўриб чиқиш юзасидан Молия вазирлигига тақдимнома киритилди. Вилоят ҳокимлиги келгусида шу каби ҳолатларнинг олдини олиш мақсадида вилоят ташкилотларининг барча раҳбарлари билан ходимлар, шунингдек, фуқаролар билан муносабатда одоб-ахлоқ нормаларига риоя қилиш тўғрисида профилактик суҳбатлар ўтказиладиган бўлди», — дейилади маълумотда.
