“Moderna” энди икки дозада қабул қилинмайди
“Moderna” учинчи доза вакцинани олиш зарурлигини маълум қилди. Бу ҳақда компаниянинг иккинчи чорак бўйича молиявий ҳисоботида қайд этилди.
Компаниянинг таъкидлашича, бу Covid-19 нинг янги штаммларига қарши иммунитет ҳосил қилишда муҳим ҳисобланади. Учинчи доза тўлиқ эмлашдан олти ой ўтгандан кейин қилиниши зарур. Шу кунгача “Moderna” 2 дозада қабул қилинаётган эди.
Молиявий ҳисоботга кўра, компания иккинчи чоракда жами 4.4миллиард доллар даромад қилган, шундан 2.8миллиард доллар соф фойда ҳисобланади. Сўнгги 3 ойда 200 миллион, йил бошидан буён эса 302 миллион доза “Moderna” сотилган, бу компанияга олти ойда 5.9 миллиард доллар фойда келтирган.
Ишлаб чиқарувчи 2021 йил учун жами 20 миллиард долларлик шартнома имзолаган. Шу билан бирга 2022 йил учун қўшимча 12миллиардлик шартнома мавжуд.
