Самарқанддаги "Каннабис плантацияси" ўрими бошланди
Самарқандда ўтказилаётган “Жиноятчиликка қарши кураш” тезкор профилактик ойлигини доирасида кўп миқдорда «каннабис» ўсимлигини етиштираётган шахс аниқланди.
Самарқанд вилояти ИИБ матбуот хизмати ходими Жаҳонгир Саъдуллаевнинг маълумот беришича, куннинг биринчи қисмида аниқланган "каннабис плантацияси"да ўрим бошланган. Гиёҳвандлик ўсимлиги илдизи билан суғириб олиняпти. Ўримни тўлиқ йиғиб олиш учун учта трактор жалб этилган. Ер майдонини "ҳосил"дан тозалаш ишлари давом этмоқда.
Аввалроқ, Самарқандда ўтказилаётган “Жиноятчиликка қарши кураш” тезкор профилактика ойлиги доирасида ИИБ ходимлари Жомбой туманида кўп миқдорда «Каннабис» ўсимлигини етиштираётган шахсни аниқлашгани ҳақида хабар берган эдик.
