Жиззахлик фуқаро 300 млн сўмга "ухлади"
Жиззах вилояти, Шароф Рашидов тумани, "Қулама" қишлоқ фуқаролар йиғинида истиқомат қилувчи, қурилиш корхонаси раҳбари И.Т. ички ишлар органларига мурожаат қилиб, 300 миллион сўмга чув тушганлигини билдирган.
Бу ҳақда Жиззах вилояти ИИБ ахборот хизмати хабар бермоқда.
Маълум бўлишича, 2019-йилнинг июл ойида Тошкент шаҳри, Яккасарой тумани, "Бошлиқ" мавзесида яшовчи Э.Н. ўзига тегишли “Малибу”ни аризачининг номига расмийлаштириб беришни ваъда қилиб, 300 миллион сўм олган.
“Малибу”ни икки йил кутган И.Т. алданганини тушунгач, ички ишлар органларига ариза ёзишга қарор қилди. Ҳолат юзасидан жиноят иши қўзғатилган.
