Самарқанддаги "каннабис плантацияси" ҳақида маълумот берилди
Олинган тезкор маълумотга асосан, 2021 йил 7 август куни Жомбой тумани «Олмазор» маҳалласида яшовчи 1995 йилда туғилган Б.Э. нинг яшаш уйида тинтув тергов ҳаракати ўтказилди.
Бу ҳақда Самарқанд вилояти ИИБ ахборот хизмати хабар берди.
Тинтув давомида ушбу шахснинг томорқасидан 2160 туп «каннабис» гиёҳвандлик воситаларига ўхшаш ўсимликлар экилганлиги аниқланиб, ҳужжатлаштирилиб олинди.
Бундан ташқари, ушбу ҳовлидан 512 туп қуруқ ҳолдаги «каннабис» гиёҳвандлик воситалари, уйидаги овқат пишириш печи ичидан ичидан 100 грамм «каннабис» гиёҳвандлик воситасининг уруғи сақланаётганлиги аниқланиб, далилий ашё сифатида ҳужжатлаштириб олинди.
Эслатиб ўтамиз, аввалроқ мазкур плантациянинг топилгани ва масъуллар томонидан текширилаётгани ҳақида хабар бергандик.
