Балкондаги жуфтлик аслида ким эди?
Хабарингиз бор, ижтимоий тармоқларда Qalampir.uz интернет нашрининг журналисти Ф.Нажмитдиновани шаъни ва қадр-қимматига путур етказувчи монтаж қилинган ва ёлғондан иборат видеолавҳа тарқатилиб ижтимоий тамоқларда турли муҳокамаларга сабаб бўлган.
ИИВ матбуот котиби Шоҳруҳ Ғиёсов мазкур иш юзасидан суриштирув жараёнлари бўйича маълумот берди.
Қайд этилишича, Тошкент шаҳрининг Олмазор туманида жойлашган кўп қаватли уйларнинг бирида, балконда тасвирланган одамлар икки фарзандли, расмий никоҳдаги оила, эр-хотин, чет эл фуқаролари бўлиб, Тошкент шаҳрида тадбиркорлик фаолияти билан шуғулланиб, мазкур хонадондан расмий ижарада фойдаланишган. Улар томонидан ҳеч қандай қонун бузилиш ҳолатлари аниқланмаган. Ушбу оиланинг шахсий ҳаёти тасвирланган видеолавҳани ижтимоий тармоқларда тарқалишига сабабчи бўлган фуқаронинг ҳаракатлари ҳуқуқий баҳоланади.
Видеолавҳани ясаб, ижтимоий тармоқларда тарқатиш орқали журналистни обрўсини тўкишга ҳаракат қилган фуқароларни аниқлаш бўйича тезкор тадбирлар давом этмоқда. Мазкур ҳолат юзасидан Ўзбекистон Республикаси Жиноят кодексининг 139 моддаси 3 қисми, «г» банди ҳамда 141 прим 2-моддаси 2 қисми, «в» банди бўйича жиноят иши қўзғатилган.
Шунингдек, хабарда иш якуни бўйича жамоатчиликка тўлиқ ахборот берилиши айтилган.
