Нураётган “Саид Оталиқ” мадрасаси бўйича изоҳ берилди

 

«Zamaz.uz» сайтида чиққан “Саид Оталиқ” қачон рўшнолик кўради?” номли мақолага Маданий мерос агентлиги изоҳ берди.

 

Хабарга кўра, Туризм ва спорт вазирлиги, Молия вазирлиги, Сурхондарё вилояти ҳокимлигига Денов туманидаги «Саид-Оталиқ» мадрасасини таъмирлаш-тиклаш ишларига 13 миллиард сўм ажратиш вазифаси юклатилган.

 

2018 йил «Саид-Оталиқ» мадрасасида республика бюджетидан 100 миллион сўм маблағ ажратилиб, тўлиқ объектга сарфланган.

 

2019 йилда республика бюджетидан мадраса учун 550 миллион сўм маблағ ажратилиб, таъмирлаш ишлари олиб борилган.

 

2020 йилда тарихий обидани таъмирлаш ишларини амалга ошириш учун «Мерос-Чашма» ДУК томонидан ички қисмининг лойиҳа ҳужжатлари тайёрланган. Республика бюджетидан 1 (бир) миллиард сўм маблағ ажратилиб, шундан, 850 миллион сўм берилган. Таъмирлаш-тиклаш ишлари ниҳоясига етиб, ажратилган маблағ объектга сарфланган.

 

Ҳозирда “Саид Оталиқ” мадрасасида 2021 йил 24 май куни тузилган шартнома асосида таъмирлаш-тиклаш ишлари олиб борилмоқда.