МИБ: Бўзатовда бир кунда икки оила яраштирилди

 

 

Мажбурий ижро бюроси Бўзатов тумани бўлими иш юритувидаги фуқаролик ишлари бўйича Чимбой туманлараро судининг ижро ҳужжатига асосан қарздор С.Ж.дан ундирувчи С.Бердимуратовнанинг фойдасига унинг тарбиясидаги икки нафар фарзандининг моддий таъминоти учун бир ойлик даромадининг 1/3 қисми миқдорида алимент ундириш белгиланган бўлиб, мазкур ижро ҳужжати келиб тушган кундан ижро иши юритуви қўзғатилган.

 

Шу каби, фуқаролик ишлари бўйича Қўнғирот туманлараро судининг қарздор А.Қ.дан ундирувчи С.Омарова фойдасига унинг тарбиясидаги икки нафар фарзандининг моддий таъминоти учун бир ойлик жами даромадининг 1/3 қисми миқдорида алимент ундириш белгиланган.

 

Албатта, ҳеч қандай алимент пуллари ота ва онанинг ўрнини боса олмайди ва шу аснода бўлим давлат ижрочилари томонидан мазкур оилаларнинг бутлигини сақлаб қолиш мақсадида, турмош ўртоқлар билан тушунтириш ишлари олиб борилди ҳамда бу сайи ҳаракатлар ўз натижасини бериб 2 оиланинг ярашишига эришилди ва ҳозирги кунда, ярашган оилалар ўз фарзандлари билан биргаликда бахтли ҳаёт кечирмоқда.

 

Шу сабабли, мазкур ижро ҳужжати жорий йилнинг 12 июль куни Ўзбекистон Респуликаси “Суд ҳужжатлари ва бошқа орган ҳужжатларини ижро этиш тўғрисида”ги Қонуннинг 37-моддасига асосан қисқартилди.