Қовун-тарвуз сотувчилари нимадан норози?

 

 

Тошкент шаҳар Ички ишлар бош бошқармаси ахборот хизматининг хабарига кўра, 2021 йил 5 август куни соат 18:10 да Янгиҳаёт тумани Турсунзода кўчасидаги йўл четида Шахзод Г. полиз экинларини сотиш мақсадида териб қўйиб, бу bilan жамоат тартибини бузган.

 

Қайд этилишича, ички ишлар органларига ҳар йили июль ва август ойларида йўл ҳаракати қатнашчилари номидан йўлларда ноқулайлик ва хавф туғдираётган тарвуз ва қовун сотувчиларига нисбатан норозиликлар келиб тушади.

 

Тошкент шаҳар ИИББ ходимлари Шахзод Г.дан шахсини тасдиқловчи ҳужжатларини ва савдо қилиш ҳуқуқини берувчи рухсатномани тақдим этишини сўрайди. Аммо фуқаро ички ишлар органлари ходимларининг қонуний талабларини менсимасдан, уларни уятли гаплар bilan ҳақорат қилишни бошлаган ва содир этган ҳуқуқбузарлиги учун жавобгарликдан қутулиб қолиш ниятида атрофдагиларнинг эътиборини тортмоқчи бўлган.

 

Натижада фуқарога нисбатан Ўзбекистон Республикаси Маъмурий жавобгарлик тўғрисидаги кодексининг 183-моддаси (“Майда безорилик”) ва 194 моддаси (“Ички ишлар органлари ходимининг қонуний талабларини бажармаслик”) бўйича баённома расмийлаштирилди. Ҳужжатлар қонуний чора кўрилиши учун судга топширилди.

 

Суднинг қарорига кўра, фуқаронинг ҳатти-ҳатакатларига Тошкент шаҳар ИИББ ходимлари томонидан тўғри баҳо берилган ва фуқаро айбига иқрор бўлиб тавба қилгани боис унга нисбатан Ўзбекистон Республикаси Маъмурий жавобгарлик тўғрисидаги кодексининг 34-моддасига (“Бир неча ҳуқуқбузарликларни содир этганлик учун маъмурий жазо қўлланиш”) мувофиқ беш кунлик қамоқ кўринишидаги жазо белгиланди.