Тадбиркорларни қайси муаммо кўп қийнаяпти?
Кредит олиш, субсидия ва банк фаолияти билан боғлиқ ҳолатлар тадбиркорлар кун таритибдаги муҳим масалалардан бўлиб қолмоқда.
11 август ҳолатига кўра, Президент ва тадбиркорлар учрашуви олдидан тузилган Тадбиркорлар мурожаатларини қабул қилиш ва таҳлил этиш штабига жами 6 минг 304 та шу йўналишда мурожаат келиб тушган. Ер ажратиш масаласи бўйича эса 2 минг 701 та.
Маълумотларга кўра, 20 июлдан бери ишбилармонлар томонидан қилинган мурожаатлар сони 15 минг 309 тага етган. Шундан 13 мингдан ортиғи индивидуал, 1 минг 234 таси тизимли муаммоларни ҳал этишга қаратилган таклифлардир. Энг кўп мурожаат Тошкент шаҳри ҳиссаси тўғри келмоқда– 1564 та. Ҳозирга келиб мурожаатларининг 81фоизи ижобий ҳал қилинган.
Бу ҳақда бугун, 12 август куни Инвестициялар ва ташқи савдо вазирлигида тадбиркорлар мурожаатларини қабул қилиш ва таҳлил этиш штаби фаолиятига бағишланган брифингда айтиб ўтилди.
Унда Инвестициялар ва ташқи савдо вазири биринчи ўринбосари Азиз Воитов иштирок этди.
Эслатиб ўтамиз, Президент ШавкатМирзиёевнинг тадбиркорлар билан учрашуви август ойида бўлиши кутилмоқда
