Оққўрғонда боғча боласи пневмониядан вафот этди
Ижтимоий тармоқларда «Тошкент вилоятининг Оққўрғон туманидаги болалар боғчасида 150 нафар бола овқатдан заҳарланибди, 1 нафар вафот этибди» дейилган маълумотлар тарқалди.
Maktabgacha ta’lim vazirligining ma’lum qilishicha, mazkur bog‘chaning 25 nafar tarbiyalanuvchisi zaharlangan.
Bundan tashqari, ijtimoiy tarmoqlardagi shaxsiy profilda keltirilgan xabarga ko‘ra, ushbu maktabgacha ta’lim tashkilotida bir nafar tarbiyalanuvchining oziq-ovqat zaharlanishidan vafot etgani keltirilgan.
Rasmiy ma’lumotlarga ko‘ra, tarbiyalanuvchi B.M. 2021-yil 2-avgustgdan 7-avgustga qadar Respublika shoshilinch tibbiy yordam ilmiy markazi Toshkent viloyati filiali shifokorlari tomonidan shifoxonadan tashqari ikki tomonlama o‘choqli pnevmoniya. Asoratlari: yurak qon-tomir yetishmovchiligi, miya shishi tashxisi qo‘yilib davolash ishlari olib borilgan. Shifokorlarning harakatlariga qaramay pnevmoniya kasalligi asoratlariga ko‘ra yurak qon-tomir yetishmovchiligi tufayli 7-avgust kuni biologik o‘lim qayd etilgan.
Bosh prokuratura matbuot xizmatining yozishicha, Oqqo‘rg‘on tumanida bog‘cha tarbiyalanuvchilari zaharlangani holati yuzasidan tuman prokuraturasi tomonidan tergovga qadar tekshiruv harakatlari olib borilmoqda. Ta’kidlanishicha, natijalari haqida qo‘shimcha xabar qilinadi.
