“Энди мен ҳам сайловда қатнаша оламан”
Мамлакатимиз мустақиллигининг 30 йиллиги арафасида Жиззах вилояти Шароф Рашидов туманида кўп йиллардан буён истиқомат қилиб келаётган бир гуруҳ юртдошларимизга Ўзбекистон Республикаси фуқаролиги берилди.
Ўзбекистон Республикаси фуқароси деб тан олиниши уларга нафақат конституцияда белгиланган ҳуқуқ ва эркинликлар кафолатини таъминлайди, балки ишонч ҳам бағишлайди. Улар орасида Феруз Ализода ҳам бор. У анча йилдан бери Шароф Рашидов туманида яшайди. Аммо у Ўзбекистон фуқароси эмасди.
— 15 йил деганда мен ҳам Ўзбекистон фуқароси бўлдим, — дейди Феруз Ализода. — Бундан жуда хурсандман. Энди мен ҳам, барча қўни-қўшниларим, дўсту биродарларим билан бир сафда Президент сайловида қатнашиб, ўз фуқаролик бурчимни адо этаман.
