Пойтахтдаги баъзи мактаб номлари ўзгартирилади
Шавкат Мирзиёев “Ўзбекфильм” киностудиясига 2020 йил 20 ноябрдаги ташрифи чоғида миллий кино санъатимиз фидойиларини эътироф этиш мақсадида ҳар бир ҳудуд умумтаълим мактабларига Раззоқ Ҳамроев, Шукур Бурҳонов, Наби Раҳимов, Ҳамза Умаров, Лутфихоним Саримсоқова каби эл севган ижодкорлар номини беришни таклиф қилганди.
Бу бўийча Тошкент шаҳар Халқ таълими бош бошқармасининг “Юнусобод, Чилонзор, Шайхонтоҳур ва Мирзо Улуғбек туманларидаги айрим умумтаълим мактабларига миллий кино санъатининг таниқли намояндаларининг номларини бериш тўғрисида”ги таклифи маъқулланди. Ушбу таклиф Норматив-ҳуқуқий ҳужжатлар лойиҳалари муҳокамаси порталида жамоатчилик муҳокамасига қўйилди.
Юнусобод туманидаги 96 умумтаълим мактаби Наби Ғаниев, Чилонзор туманидаги 138 умумтаълим мактабига Йўлдош Аъзамов, Шайхонтоҳур туманидаги 169 умумтаълим мактабига Комил Ёрматов, Мирзо Улуғбек туманидаги 222 умумтаълим мактабига Шукур Бурхонов номи берилиши режалаштирилмоқда.
