Тошкентда ҳайдовчининг ухлаб қолиши оқибатида 3 та машинага шикаст етказилди
Бугун Миробод туманидаги Амир Темур шоҳ кўчасида 3 та машина иштирокида ЙТҲ содир бўлди.
Давлат рақами 01 Х384 FA бўлган кулранг “Matiz” ҳайдовчиси рулда ухлаб қолгани сабаб йўл четида тўхтаб турган ҳайдовчисиз давлат рақами 10 T323 SA бўлган оқ “Сobalt”га бориб урилган. “Маtiz” зарбасидан “Сobalt” эса ундан олдинги худди шу русумдаги автомобилнинг орқа қисмига бориб урилган. «Matiz»даги йўловчи аёл бош қисмидан очиқ жароҳат олган. У тез тиббий ёрдам машинасида шифохонага олиб кетилди.
Воқеа жойига Йўл патруль хизмати ходимлари етиб келди. Ҳолат юзасидан суриштирув ишлари олиб борилмоқда.
Эслатиб ўтамиз, аввалроқ Қаршида ҳаракатланиб кетаётган “Lacetti”да ёнғин чиққани ҳамда Наманганда “Nexia” ҳайдовчиси йўлдан ўтаётган 22 ёшли пиёданинг ўлимига сабабчи бўлгани ҳақида хабар берилганди.
Мақсаджон Обиджонов
