Россияда “Спутник-V” вакцинасининг модернизация қилинган варианти ишлаб чиқилди
Вакцина аввалгисига нисбатан қучайтирилган ва у “дельта” штаммига мослаштирилган.
Гамалея номидаги илмий марказ директори Александр Гинцбургнинг маълум қилишича, марказ музлаткичларида ушбу вакцинанинг тайёр ишланган лойиҳалари бор. Шунингдек, олим унинг самарадорлиги ҳақида гапиришга эрта эканини айтган.
Гинцбург Россияда касаллик ҳолатлари камайиб, ўлим ҳолатлари ошишига “дельта” штаммнинг кенг тарқалганини сабаб қилиб кўрсатган. Келажакда янги штаммлар ҳам пайдо бўлиши мумкин, лекин уларнинг хавфини олдиндан айтиб бўлмайди.
Бундан аввал, ЖССТ АҚШда коронавирусга қарши вакцинанинг учинчи дозаси билан эмлаш қарорини танқид қилган эди.
