ОЛИМПИАДА ЧЕМПИОНИ ЎЗИ ЎҚИГАН МАКТАБ-ИНТЕРНАТДА БЎЛДИ
Баҳодир Жалолов илк бор дарс берган устозлар ва мактаб ўқувчилари билан учрашди.
Чемпион ўзи ўқиган синф партасига ўтирар экан, илк таълимни берган, ҳозирги пайтда ҳаётдан кўз юмган устози Шамсия опани ёдга олди. Биринчи ва иккинчи синфларда олган баҳолари қайд этилган журнални кўздан кечирди.
Шундан сўнг, мактаб фаоллари, маҳалла оқсоқоллари, ёш ўқувчилар турли туман боксга оид саволлар билан мурожаат етишди. Унга жавобан Баҳодир Жалолов ҳар қандай ютуқни тагида авваламбор чуқур билим олиш, масъулият билан меҳнат қилиш биринчи ўринда туришини эслатиб ўтди.
Туман Халқ таълими бўлими мудири Аҳмаджон Бобоев, Термиз давлат Университетининг ўқитувчиси Исматулла Хайруллаев, 66-ИСТДМ директори Ғофуржон Фаттоев ва унга илк сабоқ берган ўқитувчилар сўзга чиқишиб, Баҳодирни Олимпиада чемпиони бўлгани билан табриклашди.
Учрашув сўнгида бир гуруҳ ўқувчи-ёшлар чемпион билан суратга тушишди.
