"Ароқ қуённи ҳам шеър қилади". Сарҳуш ҳолатда кўпчиликни тинчини бузган шахс ҳаммадан кечирим сўради
Нарпай туманида яшовчи X.Ҳусан ошхонада спиртли ичимлик истеъмол қилиб, шу ердаги фуқароларнинг тинчини бузиб, майда безорилик содир қилган.
Чақирувга асосан, воқеа жойига туман ИИБ профилактика инспектори етиб келиб, фуқаронинг безорилик ҳаракатларини тўхтатиб, ҳолатни расмийлаштирмоқчи бўлган вақтида, X.Ҳусан профилактика инспекторининг қонуний талабларини бажармасдан, уни ҳақорат қилиб, юз қисмига уриб, хизмат вазифасини бажаришига фаол қаршилик кўрсатган.
Мазкур ҳолат юзасидан туман прокуратураси томонидан Ўзбекистон Республикаси ЖКнинг 219-моддаси 2-қисми va 140-моддаси 3-қисми «а» банди билан билан жиноят иши қўзғатилиб, гумонланувчи процессуал тартибда ушланган.
Эслатиб ўтамиз, жорий йилнинг 21 июль куни Ургут тумани “Дўстлик” маҳалласида яшовчи 1989 й.т. фуқаро Ш.Ш. “Telegram” интернет тармоғидаги гуруҳ аъзоларини ҳақоратлаган видео мурожаатини жойлаштириб, фуқароларнинг шаъни va қадр-қимматини беодоблик билан қасддан таҳқирлаган эди.
