Ҳайдовчининг эҳтиётсизлиги, тезликни ошириши натижасида 21 ёшли бола вафот этди
Қизириқ тумани “Янгиобод” маҳалласи ҳудудидан ўтувчи 4R-100 автомобиль йўлининг 69 км.да, 2002 йили туғилган фуқаро А.Пардаев бошқарувида бўлган “Nexia” русумли автомобиль шу йўналишда ўзига қарама-қарши ҳаракатланиб келаётган, 2000 йил туғилган Велосипедчи- У.Султоновни туртиб юбориши оқибатида ЙТҲ содир бўлган.
Натижада, велосипедчи У.Султонов бош мия ёпиқ жароҳати, бош мия соҳаси тепа қисми эзилиб йиртилиши, бош тепа суяги синиши, оёқ икки болдир суякларининг майдаланиб очиқ синиши, ўткир ташқи қон қуюлиши каби тан жароҳатлари олиб, Қизириқ туман Тиббиёт бирлашмасининг жонлантириш бўлимида вафот этган.
Суриштирув жараёнларида “Nexia” русумли 75 K 118 JA автомобиль ҳайдовчиси эҳтиётсизлиги, тезликни ошириши, руль бошқарувини йўқотиши натижасида ўзига қарама-қарши йўналишда ҳаракатланиб келаётган велосипедчини туртиб юбориши оқибатида ЙТҲ содир этилгани аниқланди.
Ҳозирда тергов жараёнлари давом этмоқда.
Аввалроқ Тошкентда "Matiz" ва "Nexia " иштирокида ЙТҲ содир бўгани ҳақида хабар берган эдик.
Муножат Валиева тайёрлади.
