Ўзбекистонда ўтган бир сутка ичида 300 минг дозадан ортиқ вакцина қўлланилди
Ўзбекистонда 26 август куни COVID-19'га қарши 301 584 доза вакцина қўлланди, деб хабар бермоқда Соғлиқни сақлаш вазирлиги. Шундан 95 698 доза биринчи босқичда, 145 598 доза иккинчи босқичда ва 60 288 доза учинчи босқичда қўлланган.
Шу кунгача Ўзбекистонда жами 13 468 108 доза вакцинадан фойдаланилган бўлиб, улардан 1-босқичда эмланганлар 9 188 876 нафарни, 2-босқичда эмланганлар 3 140 915 нафарни, 3-босқичда эмланганлар 1 138 317 нафарни ташкил қилди. Шу кунгача тўлиқ эмланган фуқаролар эса 1 620 623 нафарни ташкил қилмоқда.
Кеча эмлаш кўрсаткичлари бўйича юқори ўринларни:
- Тошкент вилояти (36 492 доза),
- Хоразм вилояти (34 437 доза),
- Самарқанд вилояти (33 960 доза) банд қилди.
Жами эмлашлар бўйича юқори кўрсаткичлар:
- Фарғона вилоятида 1 578 579 доза,
- Наманган вилоятида 1 569 978 доза,
- Андижон вилоятида 1 426 802 дозани ташкил қилмоқда.
Аввалроқ Ўзбек олимлари помидордан коронавирусга қарши вакцина яратгани тўғрисида хабар берилганди.
