"DownHill" интизоми бўйича "Mountainbike" ҳаваскорлик велопойгаси ўтказилди
Велопойгалар қарийб 150 йиллик тарихга эга. 1896 йилда эса Олимпия ўйинлари дастурига киритилган. Бу соҳа бўйича Халқаро велосипедчилар уюшмаси мавжуд бўлиб, унга 152 та мамлакат аъзо.
Ўзбекистонда 1997 йил Велосипед спорти федерацияси қайта ташкил этилган. Ушбу спорт тури бўйича 6 нафар халқаро спорт усталари етишиб чиққан.
Жорий йилнинг 28 август санасида Тошкент вилояти Бўстонлиқ тумани ҳокимлиги Мустақиллик байрами муносабати билан “Aмирсой” дам олиш масканида тоғ велоспорти бўйича пойга ташкиллаштирилди. Унда 8 нафар ҳаваскор велосипед учувчиси иштирок этган.
Баландликдан тезлик билан тушиш форматидаги пойгани ўтказишдан асосий мақсад спортнинг экстремал йўналиши бўйича мамлакатимизнинг кучли байкерларини аниқлашдир.
Маълумот ўрнида: икки йилдан кам муддат давомида "Amirsoy Mountain Resort" да 900 ГA майдонда чанғичилар ва сноубордчилар учун 16 кмдан иборат, велопойгачилар учун эса трасса барпо этилган.
Эслатиб ўтамиз, аввалроқ Токио-2020 Олимпия ўйинларида велоспортчимиз Олга Забелинская шоссенинг гуруҳ пойгаси дастурида доирасида 137 км масофани босиб ўтгани ҳақида хабар берилганди.
Мафтуна Режаббоева
