«Bavariya» Вернерни ватанига қайтармоқчи
«Chelsi» ҳужумчиси Тимо Вернер Германия чемпионатига қайтиши мумкин. Мюнхеннинг «Bavariya» клуби унга қизиқиш билдирмоқда. Жамоа январь ойида футболчини сотиб олиши мумкин.
Маълум бўлишича, мюнхенликлар ёзда футболчи агентлари билан боғланган, лекин келишувга аниқлик киритилмагани сабабли музокаралар кейинга қолдирилган.
«Bavariya» раҳбарияти энди лондонликларнинг 25 ёшли форвардини ўз ватанига қайтариш учун ҳаракат қилиб кўради.
Маълумот учун: Вернер 2020 йилда «RB Leypsig»дан «Chelsi» сафига келиб қўшилган эди. Унинг клуб билан шартномаси 2025 йилгача бўлиб, трансфер нархи 53 миллион еврога баҳоланган.
Мухлисларда омадсиз футболчи сифатида таассурот қолдираётган Тимо ушбу мавсум «АPL»нинг 3 ўйинида майдонга тушди. Лекин футболчи ҳали гол урушга муваффақ бўлгани йўқ.
Эслатиб ўтамиз, бундан аввал Агуэронинг «Barselona»даги фаолияти ҳақида хабар берган эдик.
Мақсаджон Обиджонов
