“Мессининг кетиши “Barselona”даги фаолиятимга таъсир қилмади” — Агуэро
Аргетиналик ҳужумчи Серхио Агуэро Мессининг “PSJ”га ўтганига қарамай, “Barsa”ни тарк этиш ҳақида ҳеч қачон ўйламаганини айтди.
“Нима учун Месси трансферидан сўнг менинг кетишим ҳақида гапиришгани тушунарсиз ҳолат. Леонинг кетиши менинг «Барселона»да ўйнаш истагимга таъсир қилгани йўқ. Ҳар қандай йўл билан бўлса ҳам ушбу грант жамоага ўтишни хоҳлардим. Ҳатто иш ҳаққини камайтириш ҳақида айтилганида ҳам, ҳеч иккиланмай рози бўлдим. Афсонавий клубда янги тарих яратишга ва жамоага ёрдам беришга ҳаракат қиламан”, — дейди Кун Агуэро ўз нутқида.
Айтиш жоизки, «шаҳарликлар» афсонаси каталонлар сафига аргентиналик дўсти билан бир клубда ўйнаш истагида ўтган эди. Лекин трансфердан 10 кун ўтиб Лео жамоани тарк этди. Ўз навбатида, бу футбол жамоатчилигининг кенг муҳокамасига сабаб бўлди. Ижтимоий тармоқларда орзусига етолмаган Куннинг «кўк-анорранглилар» сафини тарк этиш нияти борлиги ҳақида фикрлар билдирилди.
Эслатиб ўтамиз, бундан аввал Агуэро «Барса»нинг машғулотларга бўлган ёндашувидан норози экани ҳақида хабар берган эдик.
Мақсаджон Обиджонов
